 |
Nacho Duato | ZERRENDA |
Valentzian jaio zen. Bere prestakuntza
profesionala Londresko Rambert
School-en abiatu zuen;
gero Bruselan jarraitu zuen
ikasten, Maurice Béjart-en Mudra
School-en, eta prestakuntza
aldia amaitzeko New Yorkera
jo zuen, The Alin Ailey
American Dance Centre-ra
hain zuzen.
1980an Nacho Duatok bere lehenbiziko
kontratu profesionala sinatu
zuen Stockholmeko Cullberg
Ballet-ekin, eta handik
urtebetera, Jirí Kylián-en
eskutik, Nederlands Dans
Theater-en sartu zuen;
gero konpainiaren Koreografo
Egonkor izendatu zuten, Hans
van Manen eta Jirí Kylián-ekin
batera, 1988an. Dantzari gisa
lortutako arrakastek VSCD Gouden
Dansprijs (Dantzaren Urrezko
Saria) eman zioten 1987an. Egin
zuen lehen koreografiak, Jardí Tancat (1983)
izenekoa eta Maria del Mar Bonet-en
musika duena bera, lehen saria
irabazi zuen Koloniako Internationaler
Choreographischer Wettbewerb-en
(Nazioarteko Koreografia Lehiaketa).
Duatoren baletak mundu osoko
konpainia ospetsuenen errepertorioan
daude, tartean baitira honako
konpainiak: Cullberg Ballet, Nederlands
Dans Theater, Les Grands
Ballets Canadiens, Berlingo
Operaren Baleta, Australian
Ballet, Stuttgart Ballet,Gulbenkian
Ballet, Finnish Opera Ballet,
San Francisco Ballet, Royal
Ballet eta American
Ballet Theatre.
1995ean jaso zuen Frantziaren Espainiako Enbaxadak ematen duen Arte eta Letren Ordenako Zaldun maila. 1998an, Ministro Kontseiluak Arte Ederretako Merituaren Urrezko Dominaz saritu zuen. 2000ko apirilean, Stuttgart-eko Operan, koreografiaren arloan nazioartean dagoen saririk ospetsuenetako bat jaso zuen, International Dance Association-ek ematen duen Benois dela Danse Saria, beronen IX. edizioan, Multiplicidad. Formas de Silencio y Vacíolanagatik (1999). 2003ko Dantza Sari Nazionala izan zen, Sorkuntza modalitatean. 1990eko ekainaz geroztik, Espainiako Kultura Ministerioaren Arte Eszeniko eta Musikaren Institutu Nazionalak gonbidaturik, Nacho Duato Dantza Konpainia Nazionalaren arte zuzendari gisa ari da.
